الهايبرلوب هو عبارة عن نظام نقل عالي السرعة بيعتمد على أنابيب مفرغة من الهواء، منخفضة الضغط، من خلال الأنابيب دي بيتم إطلاق كبسولات بقوة دفع ضخمة بدون احتكاك بجدران الأنبوب بفعل وجود حقل مغناطيسي بينهم.
الرحلة اللي حصلت امبارح قطعت الكبسولة فيها 500 متر في 15 ثانية، يعني وصلت سرعة الكبسولة 172 كيلومتر في الساعة.
لكن في الحقيقة دي مش السرعة اللي ممكن توصلها الكبسولة لما تشتغل في نظام طبيعي، لأن سرعة الكبسولة هتكون أكبر من سرعة الصوت، يعني ممكن سرعتها تصل إلى 1220 كم في الساعة.
مفهوم "الهايبرلوب" من ابتكار "إيلون ماسك".. والفكرة دي ممكن تغير كتير من السفر في المستقبل، لأنها أقل في التكلفة من القطارات فائقة السرعة، آمنة أكتر، ده غير إنها هتوفر سنين من حياة البشر اللي بتضيع في المواصلات والسفر الداخلي والخارجي.